Aktualitet

Pakt për të çuar LSI për skrap? Meta:Do trefishohet dhe kush duron Monikën


Bëhu pjesë e Grupit Zyrtar të Opinion.al
>> KËTU <<
               Publikuar në : 11:51 - 19/02/21 |
Doriana Çepunaj

Presidenti Ilir Meta gjatë konferencës së sotme është pyetur nga gazetarët për deklaratën e kryeministrit se do ta çojë LSI- në për skrap.

Kreu i Shtetit teksa tha se nuk shqetësohet për LSI theksoi se me sjelljen e tij Rama do ta trefishojë LSI.

“Nuk ka asnjë problem zotëria me Ilir Meten, ka problem me demokracinë, zgjedhjet, llogaridhënien. Një gjë duhet ta keni parasysh, Ilir Meta nuk ka shqetësimin e LSI. Është nga ata që nuk ndërrojnë parti por themelojnë parti dhe e dyta i vetmi shqetësim që kam unë për LSI se ashtu siç po sillet ai do ta trefishojë dhe u ka treguar gjithë socialistëve që merr llumin e LSI dhe i shton në listat e veta. Shqetësimi im është kush e duron Monikën që do të thotë ja çfarë e dallon drejtimin nga një grua ndryshe nga një burrë.”, tha Meta

Më tej, Meta thekson se shqetësimi kryesor i tij mbetet pandemia, shpopullimi, konvencionet dhe arbitrazhet.

“Problemi është pandemia shpopullimi, koncesioni, dalja nga kontrolli i borxhit publik, arbitrazhet dhe se këto janë problemet e shqiptarëve. Meta do jetë rrugëve kudo që populli të ketë besim te demokracia dhe të ndëshkojë ata që i bëjnë presion dhe nuk sillen si udhëheqës demokratikë por diktatorë të dështuar. Dy vende të synojmë ne; Kosovën për zgjedhje dhe Maqedoninë në fushën e investimeve të huaja”, tha Meta./Opinion.al

Pas