Aktualitet

“Dembelë aktivë”, Rama-Metës: Vë kujën për vaksinimin e personaliteteve


Bëhu pjesë e Grupit Zyrtar të Opinion.al
>> KËTU <<
               Publikuar në : 12:05 - 19/02/21 |
Doriana Çepunaj

Kryeministri Edi Rama përmes një postimi në Twitter i është përgjigjur menjëherë Presidentit Ilir Meta, pas akuzave të këtij të fundit për vaksinimin e intelektualëve të moshuar mbi 80 vjeç.

“Po ç’janë këta dembelë aktivë, siç i quan Konica, që kanë vënë kujën për genocid e diktaturë pse do vaksinohen disa personalitete mbi 80 vjeç, në kuadrin e vaksinimit të 80 vjeçarëve! Po mirë Tinka Kurti dhe Reshat Arbana fjala vjen, duhen lënë në fund vetëm pse janë të njohur?”, shkruan Rama.

Meta më herët në konferencën për shtyp tha se vaksinimi i personaliteteve mbi 80-vjeç është ndarje klasore që e bëjnë vetëm diktatorët. ” Kriteret e ndarjes klasore preferenciale dhe përzgjedhjes arbitrare të njerëzve për të marrë këtë shërbim jetik janë tipike për diktaturat dhe diktatorët”, tha Meta.

 

Pas