Imazhet e para të një prej luftanijeve më prestigjioze të Rusisë, e cila u fundos në det, janë shpërndarë në rrjet.
Ukraina tha se goditi luftanijen në një sulm me raketa. Megjithatë, Rusia tha se dëmtimi i anijes u shkaktua nga një zjarr që shpërtheu municionet në bord. Ajo tha se luftanija më pas u mbyt gjatë një stuhie.
Sky News shkruan se ka hequr audion nga videoja, pasi një burrë dëgjohet duke bërtitur në rusisht: “Nëna***! Çfarë po bën?” përpara se kamera të lëvizë poshtë dhe më pas të fiket.
Videoja tregon se moti ishte mjaft i qetë kur u filmua klipi. Në audion origjinale mund të dëgjohet pak erë, por deti është i qetë dhe nuk shihet shi.
Kjo bie ndesh me deklaratën e Ministrisë Ruse të Mbrojtjes se anija u mbyt gjatë një stuhie.
Një raport i lajmeve nga agjencia ruse TASS më 14 prill tha: “Luftanija Moskva u mbyt ndërsa po tërhiqej në mes të stuhisë për shkak të dëmtimit të trupit të shkaktuar gjatë shpërthimit të municioneve”./Opinion.al
Klikoni mbi Sky News për të parë imazhet e luftanijes ruse.
