Kryesore

Pa maska dhe pa ruajtur distancën, socialistët harrojnë Covid-in


Bëhu pjesë e Grupit Zyrtar të Opinion.al
>> KËTU <<
               Publikuar në : 17:39 - 01/09/20 |
Opi Nion

Pas pushimeve të verës, Partia Socialiste ka nisur punën zyrtarisht. Një mbledhje e grupit është duke u zhvilluar pasditen e së martës në qytetin e Elbasanit.

Në qendër të takimit që do të zhvillohet në një resort në hyrje të qytetit, pritet të jetë organizimi për zgjedhjet e ardhshme si dhe asambleja që do të mbahet në shtator.

Kreu i PS-së, Edi Rama i shoqëruar nga Taulant Balla kanë qenë ndër të parët që kanë arritur ne takim.

Por sikurse shihet në një foto të publikuar nga abcnews, në një kohë kur vazhdimisht bëhet thirrje për respektim të rrgullave anticovid, socialistët duken krejtësisht të pakujdesshëm në këtë drejtim.

Ndërsa prisnin të niste mbledhja (në orën 16:00), ata janë grumbulluar në grupime, pa ruajtur distancim fizik nga njëri tjetri dhe sikurse shihet në foto, një pjesë edhe pa maska.

Në mbledhjen e sotme, grupi parlamenar i PS vendosi që mbledhja e Asamblesë Kombëtare të mbahet më 4 shtator, ku do të dali edhe kryesia e re e PS.

Gjithashtu janë ndarë drejtuesit politikë në disa qarqe. /Opinion.al

 

Pas