Bota

Oxford nuk dorëzohet: Ka ende mundësi që vaksina të dalë në fund të vitit


Bëhu pjesë e Grupit Zyrtar të Opinion.al
>> KËTU <<
               Publikuar në : 17:02 - 10/09/20 |
el ida

AstraZeneca dhe Oksford nuk ndalen. Ara pretendojnë se vaksina eksperimentale kundër koronavirusit, e prodhuar prej tyre mund të jetë ende e disponueshme në treg në fund të këtij viti apo në fillim të vitit 2021, pavarësisht frenimit në fazën e tretë të testimeve.

“Nëse vaksina funksionon, ne do ta mësojmë për pak muaj. Por, pyetja që shtrohet është: për sa gjatë? Jemi të mbrojtur për 3 muaj, për 12, për 2 vjet apo më shumë? Kjo përgjigje do të vijë ndërsa eksperimentet vazhdojnë. Përpara fundit të vitit do të mësojmë nëse vaksina i mbron njerëzit, të paktën për një periudhë të caktuar”, tha Soriot, administrator i deleguar i AstraZeneca.

Ai shtoi se deri në fund të vitit do të dinë nëse vaksina funksionon, teksa shtoi se vaksina kandidate e të cilës konsiderohej mes më të mirave në garë, efektet e padëshiruara gjatë testimeve janë diçka e zakonshme, por normalisht nuk janë kaq shumë nën lupën globale si në rastin e Covid-19.

Kolosi farmaceutik njoftoi pezullimin e përkohshëm të eksperimenteve, pasi një prej vullnetarëve shfaqi simptoma të lidhur me një inflamacion të rrallë të shyllës kurrizore, i quajtur mielit i tërthortë.

Soriot deklaroi se diagnoza nuk ishte përcaktuar dhe se nevojiteshin më shumë testime./Opinion.al

Pas