Bota

Paris/Muzeu i famshëm i nudove i ndaloi hyrjen vajzës me dekolte të hapur


Bëhu pjesë e Grupit Zyrtar të Opinion.al
>> KËTU <<
               Publikuar në : 17:27 - 10/09/20 |
Al Do

Muzeu i Orseit është një nga pikat më të njohura turistike në Paris dhe vendi ku janë ekspozuar disa nga nudot më të famshme të artit francez të Shekullit 19.

Por kur studentja franceze e letërsisë, Jeanne, shkoi t’a vizitonte e veshur me një fustan me dekolte të hapur, asaj iu ndalua të hynte.

Personeli i muzeut i tha asaj “rregullat janë rregulla” dhe ajo u lejua kur veshi një xhaketë, shpjegon ajo.

Historia e saj është bërë virale në mediat sociale.

Ajo postoi një foto ku ishte ulur në një restorant katër orë para se të shkonte në muze me një mikeshë, duke përshkruar se si fillimisht një zyrtar pastaj një tjetër vështronin gjinjtë e saj por nuk thanë cilin rregull po e shkelte.

Megjithëse shoqja e saj kishte një bluzë të shkrurtër që i tregonte barkun, Jeanne thotë se vëmendja ishte përqendruar në gjinjtë e saj edhe para se ajo të tregonte biletën për në muze.

“Oh jo, kjo nuk do të jetë e mundur, kjo nuk lejohet, kjo është e papranueshme,” citon ajo të ketë thënë sportelisti.

Një roje më pas mbërriti duke cituar rregullat e muzeut, thotë ajo.

“Në asnjë moment askush nuk tha që dekolteja ime ishte problem, ata dukshëm po shikonin gjinjtë e mi”, shkruan Jeanne në letrën e saj të postuar në Tëitter.

Kur postimi i Jeanne në Tëitter u bë viral, muzeu u përgjigj, duke kërkuar ndjesë për incidentin.

Ajo i tha BBC se ishte e kënaqur që muzeu “më kontaktoi personalisht me telefon dhe ka qenë shumë mirëkuptues, duke më ofruar një falje shumë të sinqertë”.

Ajo që nuk është e qartë është se cilat rregulla nënkuptonte muzeu. Gazeta Libération tregon për disa rregulla që i referohen “veshjes së mirë” dhe ndalimit të veshjes “që mund të prishin paqen” por beson se muzeu kuptoi qartë se ato nuk ishin të rëndësishme në këtë rast./ Opinion.al

Pas