Aktualitet

Orlando Rakipi thyen herësin e partisë, s’ja del Kapllanaj nga listat e PD


Bëhu pjesë e Grupit Zyrtar të Opinion.al
>> KËTU <<
               Publikuar në : 16:48 - 29/04/21 |
Opi Nion

Teksa në Tiranë po i vjen fundi numërimit të votave preferenciale për kandidatët për deputet, kandidati i 30 i listës së PS në këtë qark, ka thyer herësin e partisë.

Bëhet fjalë për Orlando Rakipi, i cili ka arritur të sigurojë mbi 10 000 vota nga qytetarët e Republlikës së Shqipërisë me të drejtë vote. I 30 në listë, Orlando Rakipi është djali i Aqif Rakipit.

Kujtojmë se i ati i tij Aqif Rakipi, ish-deputet, e humbi përfundimisht të drejtën të hynte në Kuvend më 21 shkurt 2019, kur Gjykata Administrative i rrëzoi padinë për t’u rikthyer në Kuvend. Rakipit iu hoq mandati në vitin 2018 bashkë me Gledion Rehovicën pas verifikimit se në Itali ishte arrestuar në vitin 1998 për vjedhje. Këtë arrestim ai e kishte fshehur në formularin për dekriminalizimin dhe KQZ i hoqi mandatin pas verifikimit të shkresës që erdhi nga pala italiane përmes Interpolit.

Për të kaluar në qarkun e Fierit, aty ku është mbyllur dhe numërimi i votave preferenciale.

Në listën e PD, më i votuari në Fier është Agron Kapllanaj me thuajse 9255 vota por kjo nuk ka mjaftuar që të thyente herësin e listës së partisë, e të siguronte kështu një mandat në Kuvend. Kapllanaj ka marrë më shumë vota se 121 deputetë që kanë marrë mandatin paraprak nga KQZ, por ai sërish nuk ka mundur dot të hyjnë në Kuvend pasi ishte i renditur në vend të 7 të listës nga 6 mandate që mori PD në Fier./Opinion.al

Pas