TIRANË- Opozita prezantoi 300 rekomandimet e saj për reformën në drejtësi, ku 60 prej tyre janë kushtetuese. Një ndër pikat ku ekspertët e Partisë Demokratike nuk pajtohen me mazhorancën është ndryshimi i formulës së përzgjedhjes së Presidentit. Argumentin e tyre ekspertët demokratë e mbështesin në faktin se, nuk ekziston asnjë logjikë juridike që lidh mënyrën e zgjedhjes së kreut të shtetit me vëllimin e kompetencave të tij, ndryshe nga sa pretendon mazhoranca. “Rekomandojmë të mos ndryshojë formula e zgjedhjes së presidentit”, tha Enmkelejd Alibeaj. Një tjetër rekomandim i ekspertëve të opozitës për komisionin e reformës në drejtësi ka të bëjë me faktin se Presidenti duhet të jetë Këshillin e Lartë të Drejtësisë, ndërsa kërkojnë largimin e Ministrit të Drejtësisë si anëtar i KLD-së.
Grupi i ekspertëve demokratë, prerazi kundërshton edhe rekrutimin e gjyqtarëve jashtë sistemit, pasi sipas tyre një pratikë e tillë dëmton sistemin e drejtësisë përmes ndërhyrjeve dhe ndikimeve politike.
