TIRANE- Olsi Baze drejtues i qendres për studime shqiptaro-amerikane ndodhet për studime në Paris dhe ka rrëfyer për Opinion.al gjendjen e Parisit në natën më të zezë të kryeqytetit francez.
- Ku ishit në momentin që ndodhen shpërthimet?
Në lagjen Montparnasse në Paris, duke parë ndeshjen pasi kisha folur me familjen në telefon. Më bënë shumë përshtypje shpërthimet, zhurma e dy shpërthilmeve në stadium dhe një miku i them se ngjanin me shperthim bombe. Situata kaloi me shaka por disa minuta më vone ne ekrane u shfaqen mesazhet e sulmeve.
- A reagoi me shpejtësi policia franceze?
Në mënyre të menjëhershme. Në Paris ekziston prej kohesh një seri masash që mundësojnë që forcat e sigurisë, zjarrfikësit dhe unitetet mjekesore të jenë gati në çdo situate. Kanë përballuar situatë tragjike me një prefesionalizem të lartë. Janë trajtuar dhe shoqëruar në spitale mbi 400 veta. Janë evakuuar njerëz të bllokuar dhe të tjerë, rreth 80.000 veta në stadiumin e Francës në Saint Denis.
- Si e kaloi naten Parisi?
Ndërhyrja e një nate të frikshme dhe të pabesushme. Një heshtje varri nëpër rrugë që prishej nga zhurma e sirenave. Një vend i tronditur që do të mësoje kush jane viktimat kush janë maskarenjt që e kryen këtë akt. Informaciones e para flasin për rreth 11 veta pjesmarrës në atentat.
Dy kamikaze kanë qenë pranë stadiumit të Frances dhe 6 të tjerë në pengmarrjen në Bataclan dhe shkëmbimit të zjarrit në Petit Cambodge.
Nga burime të sigurta franceze flitet për terroriste në një moshe shumë të re, se flisnin shume mire frengjisht dhe njihnin shumë mirë zonën ku kanë vepruar, përkatësisht në lagjen 10 dhe 11 të Parisit që janë të frekuantuara nga të rinjtë.
Sot datë 14 Nëntor, që në mëngjes në disa rrugë po zhvillohet një aksion i gjerë policor në kërkim të agresoreve të 7 sulmeve të mirëkordinuara dhe terroriste. Ata duket se kishin njohuri shumë të mire mbi armet dhe ishin të moshës 17-23 vjeç.
- Cfare pritet te ndodhe sot dhe ne ditet ne vazhdim.
Së pari mbahet zi. Pritet të dalin përgjegjesitë e aktoreve të sigurisë. Në Këshillin e Mbrojtjes sot në mëngjes jane diskutuar se çfarë nuk ka funksionuar dhe përse nuk u parandaluan këto akte. Si ka mundësi që një komando e tille të veproje ne zemer te Paris dhe sherbimet sekrete të mos kenë informacion.
