Bota

OBSH: Nisin provat klinike për tre terapi të reja kundër COVID


Bëhu pjesë e Grupit Zyrtar të Opinion.al
>> KËTU <<
               Publikuar në : 22:41 - 11/08/21 |
Opi Nion

Organizata Botërore e Shëndetit njoftoi sot (e Mërkurë, 11 Gusht) fillimin e provave të reja klinike në të gjithë botën për tre terapi të reja kundër Covid-29. Këto janë trajtimet me artesonate, imatinib dhe inflichimab.

“Ne jemi të kënaqur të njoftojmë fazën tjetër të studimit të Solidaritetit, të quajtur Solidarity PLUS, që do të testojë tre ilaçe: artesunate, një trajtim i malaries në formën e tij të rëndë, imatinib, një ilaç kundër kancerit, inflichimab për çrregullimet e sistemit imunitar siç është Sëmundja e Crohn ose artriti rheumatoid”, tha Drejtori i Përgjithshëm i OBSH-së në Tedros Adhanom Ghebreyesus gjatë një konference për shtyp.

Ai shpjegoi se këto ilaçe u përzgjodhën nga një ekip ekspertësh të pavarur dhe tha se testimet do të kryhen në më shumë se 600 spitale në 52 vende.

“Javën e kaluar, OBSH u njoftua për 200 milion raste të Covid-19, vetëm gjashtë muaj pasi tejkalimit të infektimeve në 100 milion. Dhe ne e dimë se numri real i rasteve është shumë më i lartë”, nënvizoi Dr. Ghebreyesus.

“Çështja nëse do të arrijmë në 300 milion dhe sa shpejt do ta arrijmë varet nga të gjithë ne.” Nëse tendenca aktuale vazhdon, ne mund të tejkalojmë 300 milion raste të regjistruara në fillim të vitit të ardhshëm”, pohoi ai./Opinion.al

 

Pas