Bota

OBSH bën thirrje: Gjatë festave të fundvitit, mbani maskën edhe në shtëpi


Bëhu pjesë e Grupit Zyrtar të Opinion.al
>> KËTU <<
               Publikuar në : 16:56 - 16/12/20 |
Doriana Çepunaj

Organizata Botërore e Shëndetësisë në Evropë iu ka bërë apel qytetarëve që  të mbajnë maska edhe në shtëpi gjatë mbledhjeve familjare për festat e fundvitit.

Gjithashtu, OBSH bën thirrje për kujdes të shtuar pasi “ekziston një rrezik i lartë i një vale të tretë në fillim të vitit 2021, në Evropë”.

“Përkundër një progresi të brishtë, transmetimi i Covid-19 mbetet i përhapur”, shpjegon organizata.

OBSH iu ka rekomanduar familjeve që të tregohen të kujdesshëm dhe nëse është e mundur takimet familjare të mbahen jashtë, nëse janë brenda atëherë të mbajnë maska dhe të ruajnë distancën fizike.

“Mund të duket e pazakontë që të mbani maskë dhe distancë kur jeni me miqtë dhe të afërm, por duhet bërë për të kontribuar dhe për të siguruar që të gjithë të jemi të shëndetshëm,” tha OBSH në deklaratën zyrtare.

OBSH apelon që të gjithë duhet të respektojnë rregullat antiCOVID nëse duam të parandalojmë valën e tretë dhe ta frenojnë koronavirusin./ Opinion.al

Pas