Aktualitet

Nuk u bë pjesë e Kuvendit, Majko: 19 kërkon leje për tu ulur në aeroport!


Bëhu pjesë e Grupit Zyrtar të Opinion.al
>> KËTU <<
               Publikuar në : 17:43 - 30/04/21 |
Opi Nion

Pandeli Majko i cili kandidonte me numrin 19 në zgjedhjet e 25 prillit nuk arriti që të thyente herësin dhe me votat preferenciale të bëhej pjesë e Kuvendit të ri.

Majko ka reaguar ditën e sotme, nëpërmjet një postimi në llogarinë e tij në “Facebook”, teksa ka falënderuar të gjithë ata që votuan numrin 12, numër ky që i përkiste Partisë Socialiste në fletën e votimit.

Ndër të tjera, i ka kujtuar edhe fjalët e të atit të tij të ndjerë, ku shkruan “19-ta kërkon leje për tu ulur në aeroport!”.

“Miq, megjithëse matematika më rendit në 10 kandidaturat e votuara në qarkun e Tiranës, në zgjedhjet e 25 prillit, unë nuk do të jem deputet në Kuvendin e Shqipërisë. Sistemi elektoral është ky që kemi pranuar. Përvoja më ka mësuar se duhet të jesh i gatshëm të shohësh atë që ekziston.

Isha i bindur se do ti fitonim 19 mandate në Tiranë. Ndaj fushatën për numrin tim personal 19 e kalova në plan të dytë. Edhe për këtë arsye, rezultati nuk është një përrallë që e mposht me logjikë.

Ju falenderoj që votuat për numrin 12, Partinë Socialiste!

Sic do të thoshte im atë ndjesë pastë,… “19-ta kërkon leje për tu ulur në aeroport!” Ju jam mirënjohës që më bëtë ky që jam.

Shpresoj tu kem dhënë “everything”! Mirupafshim!

Pandi

Tiranë 30 Prill 2021”– shkruan në “Facebook” Pandeli Majko./Opinion.al

Pas