34-vjeçari Redjan Rraja, është personi i arrestuar në lidhje me atentatin ndaj prokurorit Arjan Ndoja, Andi Malokut, shoferi i tij dhe Landi Muharremi, i njohur si “i forti i Sukthit”, apo me pseudonimin “Rumi”.
I riu nuk është një emër i panjohur. Ai është kushëriri i Rexhep Rrajës, djalit të deputetit të PS, Rrahman Rraja 34-vjeçari, me profesion stomatolog, ka qenë i arrestuar edhe më herët por i liruar nga Gjykata. Ai e mohon të jetë përfshirë në atentat. Por hetuesit thonë se janë gjetur gjurmët e ADN-në në maskën brenda Benz-it ngjyrë gri, që u përdor në atentat.
Përfshirja në vrasjen e Elton Çiços
Me profesion stomatolog, ai u përfshi dhe në vrasjen e ndodhur në vitin 2016, ku u ekzekutua Elton Çiço, 36-vjeç, banues në Tepelenë. Akuza e prokurorisë në atë kohë ishte se kishte kryer veprën penale të “veprime që pengojnë zbulimin e të vërtetës”, në lidhje me vrasjen e mikut të tij, Elton Çiço. Rraja u akuzua se kishte fshehur armën që mbante viktima Çiço, si dhe telefonin, për të fshehur informacione të tjera.
Rasti “Xhisiela”
Dy vite më pas, emri i Redjan Rrajës shfaqet në çështjen “Xhisiela”, ku i përfshirë ishte kushëriri i tij, Rexhep Rraja. Ky i fundit është djali i deputetit të Partisë Socialiste, Rrahman Rraja. Oficeri Emiljano Nuhu përmendi emrin e Redjan Rrajës si një prej nipërve të deputetit Rraja që e kishte kërcënuar për shkak të hetimeve që po kryente pas denoncimit të shtetases Xhisiela Maloku. Xhisiela akuzonte djalin e deputetit se dhunonte vazhdimisht, ndërkohë që ajo kërkonte t’i jepte fund lidhjes.
Deklaratat e ish komisarit Emiljano Nuhu
Më 30 korrik 2018, Emiljano Nuhu ka bërë denocnimin në komisariatin nr 6 në Tiranë ku kallëzon se është kërcënuar nga Redjan dhe Ramazan Rraja, nipër të deputetit të PS-sw Rahman Raja. Në procesverbalin që është marrë në orën 19:05 të kësaj date Emiljano Nuhu jep detaje në polici në lidhje me bisedën e bërë në lokalin ‘Rich Mond’ ku ndodhi takimi mes tyre. Në procesverbal shkruhet: “Unë jam Emiljano Nuhu, specialist i hetimit të krimit në Fushë-Krujë. Në datë 27 korrik 2018 jam thirrur nga prokurori i çështjes Mirela Kapo ku më ka deleguar dosjen për hetim”.
Ajo mu drejtua: “Po ta dërgoj ty këtë dosje se bëhet fjalë për shtetasin Rexhep Rraja i cili është djali i deputetit të Krujës, Rrahman Rraja”
Në procesverbal emri i vajzës është Xhensila Maloku
Çfarë ndodhi më 30 korrik?
Ora 11:00 Nuhu kontakton me shtetasen Xhensila Maloku. Ora 12:00 Vajza është ripyetur në lidhje me procedimin penal në ngarkim të Rexhep Rrajës për veprën penale “përndjekje” Mbasi mbaroi ripyetja për rreth 2 orë Xhisiela u la e lirë dhe u largua nga stacioni i policisë.
Komunikimi në Whats app
Ora 17:30 Nuhu lë komisariatin. Duke u kthyer nga puna në Whatsapp i vjen një mesazh:
-Jam Redjan Rraja. Ti ishe sot që more në pyetje Xhisiela Malokun?
Emiljano Nuhu: Po unë isha.
Redjan Rraja: Çfarë ke me ne që po krruan kurrizin?
Emiljano Nuhu: Nuk kam asgjë po bëj punën e shtetit
Redjan Rraja: Ku je të vij të të takoj pak nga afër
Takimi në lokal me Rrajet dhe kërcënimi
Më pas ne procesverbal tregon dhe bisedën e bërë në lokalin ‘Rich Mond’, ku ndodhi takimi mes tyre, ku ndër të tjera nipërit e deputetit i kanë thënë se në Fushë Krujë ligjin e bëjnë ata dhe jo ai.
“Më erdhën me makinë të zezë. Të tre u ulëm në tavolinë. Ata mu prezantuan si Redjan Rraja dhe Ramazan Rraja dhe se janë kushërinjtë e Rexhep Rrajës. Me një ton zëri të lartë dhe të revoltuar më thanë: “Çfarë problemi ke me ne? Për çfarë e ke thirrur sot Xhensilën dhe e ke pyetur për ne?
Emiljano Nuhu i përgjigjet: Unë kam marrë një dosje nga prokuroria në procedim penal që është regjistruar në ngarkim të kushëririt tuaj Rexhepit, dhe ndërkohë që po flisja ai më thotë: Nuk më rruhet k….. fare për ty që ke ardh nga Berati dhe do të bësh ligjin në Fushë Krujë. Ne e shkrijmë të gjithë komisariatin dhe ty të s’të kemi asgjë. Do të të zhdukim ty bashkë me familjen, po thirre më njeri nga fisi jonë ta marrësh në pyetje.
Përsëri u mundova ti shpjegoja por ata më thanë: Do të zhdukim ty bashkë më familjen tënde për 24 orë nëse vazhdon merresh me ne dhe mos të të shohim më në Fushë Krujë. Ligjin në Fushë Krujë e bëjmë ne dhe jo ti./ Opinion.al
