Aktualitet

Nuk ka ankesa, lista për Prokuror të Përgjithshëm i kalon Kuvendit


               Publikuar në : 16:59 - 20/11/19 |
Al Do

Pasi kërkoi raportin e pikëzimit të detajuar të çdo anëtari të KLP-së për zgjedhjen e Prokurorit të Përgjithshëm, Arta Marku ka vendosur të mos e ankimojë vendimin.

Dita e sotme ka qenë afati i fundit kur kandidatët për Prokuror të Përgjithshëm kanë patur afat për të ankimuar vendimin e KLP-së për renditjen e kandidatëve. Arta Marku dhe Fatjona Memçaj të renditura respektivisht e dyta e dhe treta në listë, nuk e kanë ankimuar vendimin.

Tashmë lista ka shkuar në Kuvend. Sipas ligjit, Kuvendi duhet të zgjedhë me 84 vota Prokurorin e Përgjithshëm brenda një afati prej 30 ditësh. Nëse kalohet ky afat atëherë zgjedhjen e bën Këshilli i Lartë i Prokurorisë.

Në listën e kandidatëve për Prokuror të Përgjithshëm i pari u rendit Olsian Çela me me 459 pikë, ndjekur nga kryeprokurorja aktuale me mandat të përkohshëm Arta Marku me 406 pikë dhe prokurorja Fatjona Memçajm me 362 pikë. /Opinion.al

Pas