Sekretari i Përgjithshëm i Partisë Demokratike, Gazment Bardhi, i është përgjigjur akuzave të anëtares së LSI-së, Elona Gurit, e cila e akuzoi duke i thënë se gjatë fushatës elektorale, nuk kishte pranuar të fliste kundër Suel Çelës.
Bardhi hedh poshtë akuzat, ndërsa i përgjigjet gazetarëve se nuk e njeh se kush është zonja.
“Nuk është mbledhur sepse nuk ka patur dakordësi nga kryetarja e LSI për të patur mundësi që t’i propozohej kryesisë së partisë një listë të përbashkët. Qëndrimi i tyre ka qenë të dilnin me dy lista të veçanta për të maksimalizuar votën. I kujtoni deklaratat e Kryemadhit që me ndryshime e njëanshme të Kushtetutës dhe Kodit Zgjedhor përfitonte LSI sepse do arrinte të merrte duke thënë se do merrte më shumë se 40 mandate. Nuk e njoh zonjën. Unë kam dhënë me dhjetëra konferenca për shtyp, ata që u fshehën dhe nuk erdhën një ditë në qarkun e Elbasanit janë arsyeja e vetme pse LSI nuk mundi të merrte dot asnjë mandat në qarkun e Elbasanit. LSI nuk ka zhvilluar fushatë në qarkun e Elbasanit. Deklarata e kryetares së LSI ishte pa kuptim, unë bëra një deklaratë të një fakti të njohur publik që PD ka patur vullnetin për t’u futur në zgjedhje me një listë të vetme. Kjo deklaratë ka përbërë një shqetësim ndaj zyrtarëve të LSI, nuk e kuptoj arsyen se ky është fakt publik“, tha Bardhi.
Ish-kandidatja për deputete e Lëvizjes Socialiste për Integrim Elona Guri, ka hedhur akuza ndaj sekretarit të Partisë Demokratike, Gazment Bardhit në një postim në rrjetet sociale duke thënë se ky i fundit s nuk ka pranuar që të dalë në një konferencë shtypi kundër Suel Çelës pasi ka dalë në regjistrime.
“Mos i jep gojes sic i jep b….. o Gaz! Ki kujdes kur flet per gjera qe nuk i di se ty nuk te qaste njeri ne zyre.Monika Kryemadhi te ka ballafaquar me Lulzim Bashen edhe keshilltarin izraelit dhe Petrit Vasilin në zyren e Bashes se si ti kishe bere marreveshjen 8 mandate t’i mbante PS ne Elbasan dhe ti doje mandatet e LSI dhe ti kishe dale garant bandave se do ishe minister i brendshem .Ju edhe i regjistroni bisedat e ke aty regjistrimin dhe se si ti nuk pranove te beje konference shtypi kunder Suel Çeles. Ti beson se keshilltari izraelit nuk kuptonte shqip se çfare u tha aty?”,-shkruan Guri në postimin e saj./Opinion.al
