Pas zjarrit në Katedralen e Notre Dame, Franca ka ftuar arkitektë nga e gjithë bota të paraqesin projektet e tyre për një majë të re që do të qëndrojë mbi katedrale.
Edouard Philippe, kryeministri francez u tha gazetarëve se shpresonin për një majë të re që do të përshtatej me teknikat dhe sfidat e erës sonë.
Maja iu shtua katedrales gjatë restaurimeve të shekullit të 19, por, kryeministri Philippe, nuk është i sigurt nëse maja duhet rikrijuar siç ishte konceptuar asokohe nga Viollet le Duc, apo nëse Notre Dame duhet zëvendësuar me një majë të re.
“Konkursi ndërkombëtar do të na mundësojë të vendosim nëse do ta rindërtojmë majën, do ta rindërtojmë siç ishte apo do t’i japim katedrales një majë të re. Do shohim”, tha ai.
Kujtojmë se maja u shkatërrua tërësisht gjatë zjarrit që shkatërroi çatinë e ndërtesës 850-vjeçare, ndërsa e gjithë katedralja, shpëtoi nga shkatërrimi total për çështje minutash.
Presidenti Emmanuel Macron, premtoi se katedralja do të ndërtohet, duke shtuar se ai do që punimet të përfundojnë brenda pesë vitesh, edhe pse ekspertët paralajmërojnë se kjo do të kërkojë dekada./Opinion.al
