Në përfundim të seancës plenare, që tashmë është bërë e zakonshme të zgjasë pak minuta, nuk kanë munguar tensionet edhe jashtë Kuvendit.
Deputeti demokrat, Flamur Noka këtë herë ka goditur me vezë makinën e ministrit Balla dhe atë të sekretarit të Kuvendit.
E para që u godit ishte makina e Ballës, dhe më pas ajo e sekretarit të Kuvendit.
Edhe këtë të enjte seanca plenare u zhvillua mes zhurmës dhe kaosit, ku mazhoranca votoi projektligjet në pak minuta.
Deputeti Noka, i cili nuk u lejua të hyjë në Kuvend pasi është përjashtuar nga Komisioni i Etikës për 20 ditë, hodhi miell në drejtim të Gjonçaj, teksa ky i fundit qëndronte në oborrin e Parlamentit.
Gjithashtu u hodhi miell edhe punonjësve të Gardës që qëndronin tek dera e Kuvendit.
