Arti është padyshim një nga gjërat që zbukuron botën. Skulptura edhe pse në ditët e sotme nuk e merr vlerësimin e merituar, disa artistë vërtetë kanë një talent unik. Nëse do të kërkoni në Instagram “aspencrow”, do shihni padyshim disa prej gjërave më të bukura që keni parë ndonjëherë.
Bëhet fjalë për një skulptor hyperealist, i cili krijon skulptura identike me njerëzit. Arti i tij është një prej gjërave më të bukura që mund të shihni në Instagram.
Arti hyperealist, është forma më unike dhe më e rrallë në pikturë dhe skulpturë, dhe jo të gjithë artistët mund ta realizojnë.
Artisti në fjalë ka krijuar skulptura të ikonave muzikore si David Bowie, Kurt Cobain, Amy Winehouse.
Ajo që të impresionon është skultpura e Kurt Cobain, legjendës së grupit Nirvana. Edhe pse Kurt ka vdekur në moshën 27-vjeçare në vitin 1994 falë këtij artisti mund të krijojmë një ide se si do dukej ai sot, në moshën 51 vjeçare.
Dhe rezultati është befasues. Edhe skulptura e Amy Winehouse është një mrekulli më vete.
Projekti më i fundit i tij, ka qenë sklptura e Rihanna-s. Proçesin e ka shpërndarë edhe me video ndërsa rezultati është një mrekulli.
