Sophie dhe George janë të rinj, të dashuruar dhe aseksualë. Por të mos bësh seks në një lidhje nuk mund të mos shoqërohet pa komplikime.
Ata kanë qenë shokë për rreth 5 muaj derisa u takuan së bashku për të parë filmin: “How to Train Your Dragon”.
“Ne u puthëm”, thotë George. “Me siguri për të tjerët kjo sdo të thotë asgje, po për ne ishte gjithçka”.
Rreth 1% e njerëzve në Angli janë aseksualë. George e zbuloi këtë gjë në vitin e parë në Universitet.
Aseksualiteti nuk është një zgjedhje. George asnjëherë nuk ka mundur të ketë një atraksion seksual ndaj një vajze, ashtu sikurse pjesa më e madhe e njerëzve që i përkasin kësaj kategorie. Megjithatë ai ka pasur histori të gjata lidhjesh.
Disa fakte që duhet ti dini rreth aseksualitetit:
-Rreth 1% e njerëzve në Britani të Madhe mendohet të jenë aseksualë.
-Njerëzit aseksualë nuk përjetojnë tërheqje seksuale.
“Nuk e gjej seksin dhe dashurinë të jenë të lidhura me njëra tjetrën. Ato thjesht më bëjnë mua konfuze”, thotë Sophie.
“Seksualiteti është fluid , ashtu sikurse romanticiteti, prandaj nuk mund ti marrësh ato e ti fusësh në një kuti. Tërheqja seksuale, për mua është aty. Ajo vjen dhe shkon. E kam fare të lehtë ta injoroj dhe të vazhdoj ditën time”.
“Aseksual do të thotë mungesa e tërheqjes seksuale. Kjo nuk do të thotë mungesa e çdo gjëje tjetër. Ajo mund të interpretohet në shumë mënyra.” thotë Sophie.
“Ideja që ju mund të shikoni apo takoni një person dhe të ndiheni më pas të tërhequr seksualisht është diçka që shumë njerëz e përjetojnë dhe kjo është në rregull, por unë thjesht nuk e përjetoj atë.”
Burimi: BBC/ Përshtati për Opinion.al/ Adela Zeneli
