Kronikë

Një numër i panjohur i dërgoi SMS, si i shpëtoi atentatit me eksploziv Suida Kuka



Bëhu pjesë e Grupit Zyrtar të Opinion.al
>> KËTU <<
               Publikuar në : 13:52 - 29/06/22 |
Opi Nion

Detaje të reja kanë dalë lidhur me ngjarjen e ndodhur ditën e djeshme ku iu vendos një sasi eksploziv automjetit tip “Range Rover” të drejtoreshës së Operatorit të Kujdesit Shëndetësor në Shkodër.

Një mesazh në telefonin e Drejtoreshës së Operatorit të Kujdesit Shëndetësorë në Shkodër duket se ka qenë shpëtimi i Suida Kukës nga shpërthimi i mundshëm.

Burime pranë policisë së Shkodrës për Klan news bëjnë me dije se Suida Kuka, ka marrë një mesazh në telefonin e saj, nga një numër i panjohur ku është njoftuar për lëndën plasëse në mjetin e saj.

Menjëherë pas këtij mesazhi ajo ka marrë në telefon forcat e policisë së Shkodrës të cilët kanë rrethuar zonën dhe kanë kërkuar evakuimin e të gjithë institucionit.

Në dëshminë e saj në policinë e Shkodrës, Suida Kuka ka deklaruar se nuk e njihte atë numër, ndërkohe që pikërisht në këtë moment policia e Shkodrës dhe prokuroria po hetojnë edhe në lidhje me tabulatet telefonike dhe po kërkohet gjurmimi i numrit që dërgoi mesazhin.

Policia ka sekuestruar kamerat e sigurisë në të gjithë lagjen “Vojo Kushi” për të parë lëvizjet e dyshimta dhe personin me motor që dyshohet se ka vendosur lëndën eksplozive.

Ende nuk ka një pistë hetimi nga ana e policisë së Shkodrës megjithatë, ajo çfarë bëjnë më dije burimet mësohet se po hetohet në lidhje me pozicionin e punës së Drejtoreshës Kuka.

Tashmë është konfirmuar se rreth 200 gramë eksploziv është vendosur pranë mjetit të Kukës, ndërkohë që ekspertët bëjnë me dije se lënda eksplozive ka qenë me telekomandim.

Pakoja e dyshimtë u konstatua pranë automjetit të Suida Kukës rreth orës 16:00 të ditës së djeshme në lagjen “Vojo Kushi” të qytetit verior. Me të marrë njoftimin, forcat e Policisë vendosën perimetrin e sigurisë.

Lënda eksplozive u çaktivizua nga forcat xheniere që shkuan nga Tirana.

Suida Kuka aktualisht mban postin e Drejtoreshës së Operatorit të Kujdesit Shëndetësor, post të cilin e mori në maj të këtij viti. Ndërsa më herët për më shumë se 1 vit ajo ishte drejtore e Njësisë Vendore të Kujdesit Shëndetësor.

Pas