Një shqiptar me origjinë nga Peshkopia është gjetur i pajetë brenda në një furgon në Strugë të Maqedonisë.
Mediat maqedonase raportojnë se shqiptari me iniciale F.Sh, 39 vjeç është gjetur i vdekur brenda furgonit që e përdorte si strehë në fshatin Livadhi, pasi ai punonte si bari delesh.
Policia ka gjetur brenda furgonit një pajisje me gaz, të cilën mendohet se e ka përdorur për t’u ngrohur. Dyshohet se vdekja e shqiptarit ka ardhur si pasojë e helmimit me monoksid karboni.
Pas procedurave, trupi do të dorëzohet te familjarët e tij në Shqipëri.
