Më 28 tetor vendi u trondit nga vrasja me thikë e 42-vjeçarit Keli Hoxha në lagjen “Kala” të Beratit. Autori i krimit është Kristo Mema alias Kostandin Hoxha, 63 vjeç.
Bashkëshortja e 42-vjeçarit, Vjola Haxhia i ka dërguar një mesazh gazetarit Blendi Fevziu, ku tregon të gjithë dinamikën e ngjarjes së rëndë.
Sipas saj, konflikti ka filluar në momentin kur vajza 8 vjeçe, ka shprehur dëshirën për të prekur kalin i cili ishte i lidhur në një shtyllë. Keli Hoxha së bashku me vajzën i afrohen kalit dhe e prekin, në atë moment Kristo Mema u ka kërkuar të mos e prekin dhe ka ofenduar 42-vjeçarin.
Pas këtij episodi, Hoxha është larguar, por Mema e ka fyer dhe pështyrë tre herë nga mbrapa dhe pasi 42-vjeçari është kthyer në drejtim të tij ai e ka goditur me thikë për vdekje.
Mesazhi
Pershendetje zoti Fevziu
Une jam Vjola Haxhia bashkeshorjta e Keli Hoxha qe u vra te marten ne Berat.Fillimisht doja tju falendroja shume per ceshtjen qe ke trajtuat edhe kohen qe i keni kushtuar ngjarjes tone.
Ne familjarisht kemi 14 vite qe jetojme ne Britanine e madhe,kishim ardhur ne shqiperi per pushime edhe nje nga destinacionet tona ishte vizita ne kalane e Beratit per tju mesuar edhe femijeve me shume nga historia shqiptare.
Ne vizituam kalane me familjen time edhe nenen e bashkeshorti,diku nga qendra e kalase ishte nje kale i lidhur ne shtylle qe vajza ime 8 vjecare Sevia e pa edhe i tha babait te saj: a mund te aftohem ta prek kalin? Theksoj qe ne ate moment kali ishte vetem nuk kishte te zotin aty. Keli bashke me vajzen u afruan ta preknin kalin nga gusha,ne ate moment shfaqet pronati i kalin duke uleritur direkt qe mos ta preknin kalin sepse acarohet. Burri i tha mos u shqeteso sepse une jam rritur ne fshat ku kisha edhe kale edhe di si ta trajtoj.
Ai filloj duke debatuar me bashkeshortin tim ne nje gjuhe shume vulgare. Bashkeshorti im i tha se je ne moshen e gjyshit tim edhe nuk po merem te debatoj me ty. THEKSOJ se keto momente Keli ishte dore per dore me vajzen.
I ktheu shpinen edhe u nis te vinte nga ne. Ne ate moment ai e peshtyu nga mbrapa burrin tim 3 here edhe e ofendoi nga familja. Burri im u kthye edhe ju afrua por ne sekond direk u kthye nga une edhe me dore ne bark me tha: shpirt njofto ambulancen se me vrau me thike, dhe ra ne toke i mbuluat me gjak. Aty kishte mbi 100 turiste qe po shikonin edhe mund te keni mjaftushem deshmitare per ta konfirmuar. Kam lexuar ne disa media qe u vra sepse nuk beri beri pagesen. E kundershtoj rreptesisht nje lajm te tille sepse nuk beri asnje foto.
Perse mediat nuk flasin apo shteti nuk interesohet si jane femijet i mi? Qe jane ne shok ,qe mund tme ishte vrare edhe femija me thike ne ato momente. Femijet jane ne gjendje shoku. Nuk flene,nuk hane nuk flasin.
