Stuhia “Ciaran” ka prekur edhe qytetin e Korçës.
Mësohet se reshjet janë shoqëruar me shkarkesa të shumta elektrike në disa zona.
Reshjet e shiut dhe era e fortë ka bërë që disa fshatra në zonat e thella malore të Korçës dhe Maliqit të mbesin pa energji elektrike.
Në Bashkinë e Korçës janë pa energji fshatrat e njësisë administrative Vithkuq, kurse në bashkinë e Maliqit njësia administrative Gore.
Nga era e fortë janë shkëputur pjesë fasade tek ndërtesat që ndodhen në Pedonalen e qytetit të Korçës. Ndërkohë deri më tani nuk raportohet për të lënduar.
