Aktualitet

Nikolla- Kim: Partneriteti me SHBA, gurë themeli i politikës së jashtme


Bëhu pjesë e Grupit Zyrtar të Opinion.al
>> KËTU <<
               Publikuar në : 15:10 - 17/09/21 |
Opi Nion

Kryetarja e Kuvendit, Lindita Nikolla ka takuar ditën e sotme Ambasadoren e SHBA Yuri Kim.

Kim e ka uruar Lindita Nikollën për detyrën e re teksa kjo e fundit ka premtuar se do të kontribuoj që Kuvendi të reflektojë një qasje të re bashkëpunimi e komunikimi.

Në njoftimin zyrtar bëhet me dije se të dy vendet do të vazhdojnë të bashkëpunojnë për avancimin e reformës në drejtësi, thellimin e procesit të vetting-ut, për rezultate të prekshme të zbatimit të saj, si edhe për thellimin e reformave të tjera me impakt në jetën e qytetarëve.

Nikolla ndër të tjera e siguroi ambasadoren Kim për forcimin dhe zgjerimin e bashkëpunimit me Kuvendin e Shqipërisë.

Partneriteti strategjik me SHBA është një gurë themeli i politikës së jashtme të Shqipërisë.

Ne vlerësojmë shumë ndihmën e SHBA, veçanërisht për avancimin e reformës në drejtësi, të procesit të vetting-ut dhe kryerjen e reformës zgjedhore dhe të reformave të tjera në rrugën e anëtarësimit ne BE.

Ne do të rrisim përkushtimin e përgjegjësinë për të justifikuar besimin që na dhanë qytetarët në mandatin e tretë.

Unë do të kontriboj që të sjell një qasje të re në komunikim dhe veprimtarinë parlamentare, duke pasur si yll të karvanit që më udhëheq ne punën time interesat e vendit dhe jo përkatësinë time politike”, u shpreh Nikolla./Opinion.al

Pas