Aktualitet

Ngricat,policia:Janë shtuar patrullimet në zonat me rrezik,ja akset problematike



Bëhu pjesë e Grupit Zyrtar të Opinion.al
>> KËTU <<
               Publikuar në : 12:46 - 22/01/22 |
Opi Nion

Drejtori i Policisë Rrugore në Policinë e Shtetit Drejtues i Parë, Altin Qato, ka dhënë një deklaratë për mediat në lidhje me situatën e motit në Shqipëri.

Ai ka theksuar se gjatë ditës së djeshme dhe gjatë natës rreshjet e dëborës në disa zona, si dhe nga temperaturat shumë të ulëta kanë shkaktuar ngrica e akull, kryesisht në akset rrugore rurale malore, dhe për këtë arsye Policia e Shtetit ka marrë një sërë masash për t’ju ardhur në ndihmë gjithë shoferëve.

Shërbimet e Policisë Rrugore, Patrullat e Përgjithshme, Forcat Shqiponja dhe ato të FLO-së, janë të gjitha në terren, në të gjithë vendin, duke monitoruar qarkullimin dhe për t’ju ardhur në ndihmë banorëve në rast nevoje.  Në zonat me rrisk, do ketë patrullime të shtuara nga Policia Rrugore për të orientuar drejtuesit e mjeteve.

Me qëllim parandalimin e aksidenteve rrugore, Policia Rrugore apelon për të gjithë drejtuesit e mjeteve, që në rradhë të parë të shmangin lëvizjet e panevojshme kryesisht në zona malore ku ka prezencë të dëborës, ngricës e akullit.

  • Të vendosin gomat dimërore dhe të kenë me vete zinxhirët të gjithë ata drejtues mjetesh, që lëvizin në zonat ku ka prezencë të dëborës, ngricës e akullit.
  • Të gjithë drejtuesit e mjeteve të mos qarkullojnë me shpejtësi tej normave të lejuara apo udhëzimeve të shërbimeve të policisë për akse rrugore të veçanta, të tregojnë kujdes dhe të ruajnë distancën gjatë lëvizjes.
  • Të mos përdorin në asnjë mënyrë celularin, gjatë drejtimit të mjetit dhe të vendosin rripin e sigurimit dhe drejuesit e motomjeteve të vendosin kaskën mbrojtëse.
  • Të mos kryejnë parakalime të gabuara apo manovra në rrugë dhe të qëndrojnë në radhë në rast se në ndonjë segment rruge për arsye të ndryshme, mund të ketë qarkullim të ngadaltë apo ndalim qarkullim.

Policia Rrugore është prezente në rrugë në ndihmë të drejtuesve të automjeteve, kësaj radhe jo për t’i ndëshkuar, por për t’i ndihmuar me qëllim sigurinë e jetës.

Policia e Shtetit kërkon mirëkuptimin e të gjithë drejtuesve të automjeteve dhe këmbësorëve që të kontribuojnë, që bashkërisht ta kalojmë edhe këtë situatë të vështirë të motit me temperatura shumë të ulëta, duke kontribuar në rritjen e parametrave të sigurisë së jetës./Opinion.al

Pas