Mbrëmjen e së hënës në media u publikua një lajm lidhur me grabitjen e disa banesave në zonën e Gjirit të Lalzit.
“Albanian Post” shkruante se në këtë zonë u grabitën 7 banesa, mes të cilave dhe ajo e kreut të SPAK, Arben Kraja.
Një prej pronarëve të shtëpive, grabitësit i kanë vjedhur kuletën teksa ka qenë në gjumë. Ndërsa kartat e identitetit janë hedhur në oborrin e shtëpisë dhe vetëm paratë janë marrë me vete.
Por burime pranë policisë konfirmojnë për Opinion.al se mes banesave që kanë rënë pre e grabitjes së ndodhur gjatë fundjavës nuk ka qenë shtëpia e kreut të SPAK, ndërsa konfirmohet se persona të paidentifikuar kanë hyrë në disa banesa të tjera të zonës.
Policia është duke punuar për identifikimin dhe kapjen e autorëve./Opinion.al
