Kryesore

Meta kthen ligjin “për të huajt”: Të ndalim shpopullimin e Shqipërisë


Bëhu pjesë e Grupit Zyrtar të Opinion.al
>> KËTU <<
               Publikuar në : 11:26 - 03/08/21 |
Opi Nion

Presidenti Ilir Meta ka kthyer për rishqyrtim Kuvend ligjin “Për të huajt”.

Meta arsyeton se nëprmjet këtij ligji  Shqipëria rrezikon të përballet me një fluks të lartë të kërkesave të detyrueshme për pranim nga shtetas të ndryshëm të vendeve të treta.

Masa pranimi kaq gjerësisht të shtetasve të huaj, përmes kritereve të lehtësuara, mund të ndërmerren vetëm pasi të analizohen pasojat e një politike të tillë shtetërore.

Sipas Metës, qeveria po përmbush vetëm një qëllim parësor dhe afatshkurtër, plotësimin e boshllëqeve që po krijon largimi masiv i shtetasve shqiptarë me shtetas të huaj, duke u fokusuar më shumë tek fuqia punëtore.

Meta thotë se Shpopullimi është drama më e madhe, që po i ndodh vendit dhe se largimi i trurit, i forcave të reja dhe më krijuese, është një plagë e madhe për vendin, që duhet ndalur sa më parë.

Presidenti thekson se adresimi i menjëhershëm i këtij fenomeni është emergjencë dhe çdo neglizhencë e mëtejshme do të kishte pasoja katastrofike./ Opinion.al

Pas