Aktualitet

Nga pasaporta e vaksinimit te karantina,hyjnë në fuqi masat e reja në kufi


Bëhu pjesë e Grupit Zyrtar të Opinion.al
>> KËTU <<
               Publikuar në : 08:55 - 06/09/21 |
Opi Nion

Duke filluar nga kjo e hënë (6 shtator) për të gjithë ata që do të futen në Shqipëri do duhet t’i nënshtrohen rregullave të reja anti-Covid në kufi.

Komiteti i Ekspertëve pak ditë më parë deklaroi se qytetarët të cilët hyjnë në Republikën e Shqipërisë nga të gjitha pikat kufitare duhet të plotësojnë një nga këto tre kushte:

  1. Të kenë pasaportën e vaksinimit, ku nga data e vaksinimit të plotë të kenë të paktën dy javë.
  2. Të kenë testin PCR negativ brenda 72 orëve ose testin e shpejtë të antigenit brenda 48 orëve.
  3. Të kenë provë të kalimit të infeksionit Sars-Cov2, të vlefshme deri në 6 muaj pas shërimit.

Ndërkohë për shqiptarët rezidentë në Shqipëri, të cilët kthehen dhe nuk kanë një nga dokumentet e lartpërmendura, duhet të vetëizolohen për 10 ditë dhe të informojnë autoritetin shëndetësor për të kryer një test në fund të periudhës së izolimit.

Kujtojmë se prej datës 1 Shtator është zgjatur dhe ora policore pasi tashmë izolimi fillon që nga ora 23:00 deri në 06:00./Opinion.al

Pas