Dy forcat politike të majta në vendin tonë do futen në zgjedhjet e përgjithshme parlamentare të 2017-ës, bashkë në qershor: lajmi më i sigurtë politik i verës, ishte njëkohësisht edhe më i prituri. Pas dasive të njëpasnjëshme, herojntë e fuqishëm të së majtës ndërprenë suspansën duke drekuar bashkë në hotel Plaza në qendër të kryeqytetit.
Një vazhdimësi e jashtëzakonshme për dyshen Rama-Meta, ajo që shqiptarët joshën nga dy liderët e së majtës. Përballë vrasjes së njëri-tjetrit, rikthimi i marrëveshjes së të dyve në pikën e fillimit të 2013-ës, më tepër si elektrizim i shumë fanatikëve, po shihet edhe si ndarje e vendit.
Pavarësisht, faktit se Blushi, Ngjela dhe Kokëdhima kanë pushuar kritikat dhe janë tërhequr dalëngadalë në heshtje totale, fakti është se bashkimi i dyshesh Rama-Meta, do ketë metastazat e veta në zgjedhjet e përgjithshme parlamentare.
Shenja e parë u dha nga kryeministri Rama në qytetin e Shkodrës, ku përballë kryetares së Bashkisë Shkodër, znj. Voltana Ademi, Rama deklaroi haptazi se nuk do marrë asnjë kokërr leku. Duket se qeveria nuk ka më punë me popullin e vet. Nëse nuk voton majtas, sipas dyshesh socialiste, nuk do përfitosh asnjë kokërr leku.
Kjo është ndarja e parë, ideologjike. E dyta me shumë mundësi, do të jetë edhe ajo partiake, kush do marrë më shumë vota, PS apo LSI. Kush do fitojë më shumë vende pune në administratë, cila nga këto të dyja do përfitojë më shumë nga biznesi dhe kush do krijojë shpresa se di të mbajë fjalën. Ai që ka lindur mbi 1 mijë metra lartësi mbi nivelin e detit, apo ky tjetri, që i ka dalë koka rrafsh me të?
Pa futur këtu, aspak, problemet me koalicionin qeverisës dhe shumë figura të tjera të së majtës dhe koalicionit që presin një ndarje tjetër të të ardhurave nga “lopa” e pushtetit.
Mirëpo, marrëveshja e ripërtëritur Rama-Meta, ka krijuar një situatë të re. Tre personazhe kanë ngelur për momentin pezull.
Ngjela që shpresonte dhe punoi si askush tjetër publikisht dhe me këshillime intensive për divorcin Rama-Meta.
Blushi që shpresonte se nga përplasja Rama-Meta, do të krijohej nje situatë e favorshme në PS, për një kryengritje fraksionesh dhe një hapje të diskutimit të lidershipit të Ramës.
Kokëdhima, që kërkonte ti jepte Ramës një leksion për besëthyerjen e tij në Gjykatën Kushtetuese, që solli heqjen e mandatit të deputetit për Koço Kokëdhimën.
Nga “paqja”, Rama-Meta, me shumë mundësi; nuk kemi parë asgjë akoma…/Opinion.al/ Reldar Dedaj
