Aktualitet

Nga kamerat e shtëpisë së Xhelal Mziut, tek… Si doli nga burgu Kolaveri


Bëhu pjesë e Grupit Zyrtar të Opinion.al
>> KËTU <<
               Publikuar në : 15:30 - 16/01/20 |
Geljano Fataj

Ergys Kolaveri, i dënuar me 20 vite burg për akuzën e vrasjes për gjakmarrje të ngelur në tentativë, do të dalë nga qelia. Vendimi është dhënë nga Gjykata e Apelit, ndërsa të mbahet në “arrest shtëpie me mbikëqyrje elektronike”.

Para dënimit, që është dhënë në nëntor të vitit 2017 nga Gjykata e Krimeve të Rënda, Ergys Kolaveri ka dorëzuar në gjykatë dhe video të kamerave të sigurisë, të marra nga banesa e ish-kryebashkiakut të Kamzës, Xhelal Mziu.

Shënjestra e atentatit me snajper në burgun e Vaqarrit ishte Gazmir Daci, i dënuar me 35 vjet burgim për vrasjen e Valmir Kolaverit dhe plagosjen e Roland Kolaverit që të dy vëllezër me Ergys Kolaverin.

Ngjarja ka ndodhur në korrik të 2016, por nga atentati mbeti i plagosur gabimisht i dënuari nga Kosova, Lili Dulaj. Krisja mes palëve ka nisur në Francë nga prishja e pazareve për t’u zhvendosur në Shqipëri në një kontekst tjetër, atë të gjakmarrjes.

Kjo ngjarje vjen pas lirimit nga burgu të Endrit Dokles, të dënuarin me burgim të përjetshëm si anëtar i Bandës së Durrësit për një sërë akuzash. Pas shtatë seancash, shumica e të cilave kanë zgjatur rreth 20 minuta, gjyqtarja e Gjykatës së Krujës, Enkeleida Hoxha vendosi të martën të lironte me kusht Doklen.

Më herët, e njëjta gjyqtare përmes 7 vendimesh të tjera i ka llogaritur Dokles kohë paraburgimi shtesë nga viti 2012 deri në vitin 2014, i ka njohur atij përfitimin e 4 viteve ulje dënimi nga 3 amnisti radhazi dhe një ulje tjetër dënimi, për të cilin në sistemin online të gjykatave nuk është njoftuar koha në muaj apo vite.

Gjyqtarja Hoxha po ashtu ka gjykuar dhe pranuar kërkesat e Dokles për të përjashtuar në dy raste kolegen e saj Engjëllushe Tahiri, në çështje që kishin të bënin me kërkesa të ngjashme të të dënuarit. 7 kërkesa të tjera të bëra gati paralelisht dhe që u shortuan në gjykatës të tjerë, u rrëzuan apo u braktisën prej vetë kërkuesit./ Opinion.al

Pas