Aktualitet

Neurokirurgu jep këshilla praktike për një tru aktiv


Bëhu pjesë e Grupit Zyrtar të Opinion.al
>> KËTU <<
               Publikuar në : 19:14 - 26/04/22 |
Opi Nion

Mendje e shëndoshë në trup të shëndoshë”. Këtë shprehje të njohur shqiptare neurokirurgu Gentian Toshkëzi, i cili tashmë është në top-listën e mjekëve amerikanë, ia përmend gjithë kohës stafit të tij në SHBA.

Në një jetë kaq të shpejtë e të ngarkuar, truri ynë preket nga stili i saj duke u tejmbushur ndaj është e rëndësishme edhe mirëmbajtja e tij.

Për të parandaluar sëmundjet që plakin trurin, neurokirurgu ndan në “Rudina” në Tv Klan disa këshilla të thjeshta që mund të përdoren nga kushdo.

Gentian Toshkëzi: Për trurin ndonjëherë një dietë e  mirë e shëndetshme, duke evituar ynydyrnat, kolesterolin e rritur, duke bërë ushtrime fizike që jo vetëm mbajnë dhe ulin këto yndyrna duke furnizuar trurin me gjak dhe oksigen, por edhe çlirojnë neutransmetuesit që janë hormonet ose substancat kimike që na bëjnë të ndihemi mirë. Qëndrimi në diell rrit endorfinat që ulin dhimbjet apo joga gjithashtu dhe krijojnë një gjendje më pak stres për trurin dhe një mjedis më të mirë për funksionimin e trurit.

Për njerëzit që janë të ngarkuar nga jeta e përditshme, një gjumë i shëndetshëm me cilësi të mirë për të rikuperuar. Për moshat që gradualisht shkojnë drejt pensionit dhe shkëputen nga aktiviteti, do rekomandoja që të vazhdojnë të jenë në aktivitet të lexojnë, të bëjnë ushtrime, fjalëkryqe për të vazhduar mbajtjen e trurit në aktivitet dhe parandaluar sëmundjet degjenerative.

Toshkëzi thekson rëndësinë e të lexuarit, një proces që nxit imagjinatën dhe vendos në punë vatra ‘gjumashe’ të trurit. Kjo përforcon kujtesën më mirë krahasuar me imazhet e gatshme dhe aktivizon pjesë të trurit që ne nuk i përdorim dhe kanë nevojë të jenë të ndezura./ Tv Klan

Pas