Kronikë

Nëna humbi jetën bashkë me djalin, policia zbardh shkakun e aksidentit në Berat



Bëhu pjesë e Grupit Zyrtar të Opinion.al
>> KËTU <<
               Publikuar në : 14:44 - 29/06/22 |
Opi Nion

Policia e Beratit ka komunikuar ditën e sotme verdiktin përfundimtar në lidhje me shkaqet e aksidentit fatal të ndodhur para dy ditësh, ku mbetën të vdekur nëna me djalin.

Sipas Sektorit të Policisë Rrugore në Drejtorinë Vendore të Policisë Berat, shkak për aksidentin tragjik është bërë “humbja e kontrollit të mjetit nga ana e drejtueses”.

Këtë lajm e ka bërë të ditur nëpërmjet një prononcimi për mediat, Specialisti i qarkullimit rrugor në DVP Berat, Lorenc Tanushi i cili ka thënë se shkak i aksidentit është bërë humbja e kontrollit nga ana e drejtueses së makinës,duke i shtuar dhe faktin që viktima kishte pak ditë që kishte marrë patentën.

“Nga studimi i të gjitha kamerave të sigurisë është vërejtur manovrimi majtas-djathtas, një karakteristikë kjo e drejtuesve të rinj, të pajisur me leje drejtimi. Aksi Ura e Goricës-Ura e Varur është një aks problematik dhe me risk pasi ka shumë fluks mjetesh, si pjesë kryesore e segmentit rrugor nacional Lushnje-Skrapar”, -është shprehur Tanushi.

Ndër të tjera Tanushi ka thënë se ky aks rrugor cilësohet si një nga më të rrezikshmit përsa I përket burimit të aksidenteve.
Kujtojmë se 25-vjeçarja Klaudia Xhaferraj dhe djali i saj 6-vjeç, Samueli mbetën të vdekur pasi mjeti që nëna drejtonte humbi kontrollin e mjetit duke përfunduar në lumin Osum./Opinion.al

Pas