Kryesore

Negociatat/Wadephul:Nëse bëhen reformat Parisi nuk i ndalon dot negociatat


               Publikuar në : 17:17 - 20/10/19 |
Al Do

Koalicioni qeverisës në Gjermani, CDU/CSU, ka dalë me një qëndrim për vendimin e Këshillit Europian për të mos hapur negociatat me Shqipërinë dhe Maqedoninë e Veriut.

Nënkryetari i grupit parlamentar të CDU/CSU-së, Johann Wadephul ështe shprehur se vendimi i KE-së duhet parë si një shtysë për të vijuar me reformat. Ai nuk ka zgjedhur të komentojë vendimin e Francës por ka theksuar edhe njëherë nevojën e ndërmarrjes së reformave pasi siç thotë ai nëse mbahet kjo rrugë, “Parisi nuk do të jetë në gjendje të ndalojë negociatat”.

Raportuesi për rajonin Christain Schmidt nënvizon gjithashtu nevojën për ndërmarrjen e reformave the shton se nëse plotësohen kushtet e vendosura nga Budestagu atëherë Holanda dhe Danimarka do të tërhiqen nga pozicionet e tyre skeptike.

Qëndrimi i parlamentarëve gjerman ndaj mos teljes së negociatave tregon një panoramë tjetër nga ajo e ditëve të fundit kur shumica e liderëve komentuan vendimin e Francës si motivacion kryesor për bllokimin. Vënia e theksit te reformat tregon se mungesa e tyre ka qenë një nga pikat që i ka dhënë shkak vendeve skeptike për të argumentuar qëndrimin e tyre.

Reagimi i CDU/CSU

Rruga për në BE mbetet e hapur për Shqipërinë dhe Maqedoninë e Veriut

Të dy vendet duhet të vazhdojnë përpjekjet e tyre për reforma

Këshilli Evropian vendosi të premten të mos hapte negociatat e anëtarësimit me Shqipërinë dhe Maqedoninë e Veriut. Nënkryetari i grupit parlamentar të CDU / CSU Johann Wadephul dhe raportuesi përgjegjës Christian Schmidt shpjegojnë:

Wadephul: “Unë u bëj thirrje të dyja vendeve që të kuptojnë votën negative të Këshillit Evropian si një nxitje për të vazhduar të gjitha përpjekjet e reformave. Nëse këto ndiqeshin, dyshuesit do të forcohen. Nëse të dy vendet do të qëndrojnë në rrugë të mbarë, Parisi nuk do të jetë në gjendje të ndalojë negociatat e anëtarësimit për herë të dytë. Bundestagu është në ndjekje të axhendës së reformave të vendimit të tij. Gjermania mbështet një perspektivë europiane të Ballkanit Perëndimor “.

Schmidt: “Vendimi negativ i Këshillit Evropian duhet të rishikohet në kohën e duhur. Lidhja e Maqedonisë Veriore dhe Shqipërisë me Bashkimin Evropian nuk duhet të bllokohet. Ne kemi bindjen se për të gjitha vendet e Ballkanit Perëndimor ekziston një vend në Bashkimin Evropian nëse i plotësojnë kriteret. Kjo përfundimisht përfshin fillimin e procesit të regjistrimit. Vendet e Ballkanit Perëndimor kanë të drejtë të shohin veten dhe arritjet e tyre – deri në ndryshimin e emrit të shtetit ose një reformë gjithëpërfshirëse të gjyqësorit – dhe të punojnë së bashku për deficitet e mbetura .Vendimi i kushtëzuar i Bundestagut në shtator, i cili përcakton kushte të qarta për hapjen e negociatave të pranimit, adreson gjithashtu shqetësimet Holandeze dhe Daneze në mënyrë për të marrë miratimin e tyre. Nëse BE nuk tregon kujdes për Ballkanin Perëndimor, fuqitë e tjera do ta përfshijnë atë në sferën e tyre të ndikimit. Askush nuk e dëshiron këtë gjë “. /Opinion.al

Pas