Kryeministri ynë, Edi Rama do të udhëtojë drejt Parisit të martën e 15 Majit. Është konfirmuar tashmë takimi Macron-Rama në pallatin presidencial, Elysee, nga burime të Kryeministrisë. Mësohet se takimi do të zgjasë rreth 60 minuta dhe sigurisht që tema kryesore e bisedimeve është hapja e negociatave për Shqipërisë.
Dihet që Franca është ndër vendet skeptike, kjo edhe për faktin se shumë shqiptarë kanë kërkuar azil në këtë vend vitet e fundit. Po kështu edhe problemet e vendit tonë me drogën e krimin e organizuar kanë bërë që Franca të jetë skeptike për nisjen e negociatave Shqipëri-BE këtë vit. Në qershor merret vendimi i shteteve anëtare për Shqipërinë, kështu takimi i kryeministrit tonë me Presidentin francez është një mundësi e mirë, që ta bindë atë të votojë pro negociatave. /Opinion.al
