Policia turke ka vënë në pranga 150 ushtarë për lidhje të dyshuara me klerikun fetar, Fethuallah Gulen, të cilin Ankaraja zyrtare e fajëson për grushtin e shtetit në korrik të vitit 2016.
Policia tha se operacioni është kryer me urdhër të prokurorit të Stambollit.
Turqia ka arrestuar mbi 150,000 njerëz dhe ka shkarkuar ose pezulluar nga puna gati të njëjtin numër të shërbyesve civilë që nga puçi i dështuar dy vite më parë.
Prej tyre, mbi 50,000 janë akuzuar formalisht dhe mbahen në burg gjatë gjykimit të tyre.
Aleatët perëndimorë e kanë kritikuar Turqinë për këtë përndjekje.
Kritikët thonë se presidenti turk, Recep Tayyip Erdogan, po e shfrytëzon grushtin e shtetit për të eleminuar kundërshtatrët
Turqia thotë se masat janë të nevojshme për të luftuar kërcënimet ndaj sigurisë kombëtare./Opinion.al
