Panairi i Punës në Tiranë për vetëm tre ditë sa ka zgjatur ka arritur të i mbledhë 11 mijë e 200 aplikime për punë.
Këtë rezultat ministri i Mirëqenies Sociale dhe Rinis, Blendi Klosi e ja quajtur si sukses i madh por ka shtuar se problemi më i madh i është vërejtur mungesa e kualifikimit të krahut punëtor.
“Ky ishte një panair që gumëzhin nga prania e jashtëzakonshme e njerëzve që kërkojnë një punë të denjë e qindra bizneseve që ofrojnë një punë të denjë. Në këtë panair morën pjesë 130 kompani, sipërmarrje nga më të suksesshmet, në asnjë tendë nuk pati produkte por kërkesë për punësim. Janë 8 mijë vende pune që presin”,- tha Klosi.
“Ne nuk kërkuam të zbukurojmë realitetin, por në çdo fjalë që thamë janë fjalë të një kërkese të vazhdueshme për të rritur kualifikimet”.
Duke e ndalur theksin tek kualifikimi dhe profesionalizimi, Klosi ftoi të gjithë ata që ende nuk e kanë gjetur një vend pune, të ndjekin kurset e trajnimit profesional që të marrin një zanat.
“55 mijë persona vizituan në dy ditët e para panairin, numri do rritet, kompanitë arritën të realizonin deri tani 11 mijë e 200 aplikime. Jo të gjitha do jenë të suksesshme, por u vu kontakti i parë me kompaninë. Këto janë punë që i fiton nëpërmjet kompanive. Panairi kërkon në mënyrë urgjente kualifikim. Aplikoni në kurset e trajnimit profesional janë falas, merrni një zanat, merrni një profesion, një licencë që ju bën konkurrent në treg”,- vijoi ai.
Duke u ndalur tek shembujt konkret, Klosi tha se një kompani taksish nuk ka mundur të gjejë ende 100 taksistët që kërkonte.
“Në Korçë kërkoheshin 50 kasapë dhe nuk janë gjetur ende, edhe këtu në panair u kërkuan 100 shoferë taksie dhe nuk u gjetën. Duhet një kualifikim edhe për tu bërë shofer taksie”,- nënvizoi ministri.
