Kronikë

Në kërkim ndërkombëtar për një vrasje në Vlorë, ekstradohet 32-vjeçari


               Publikuar në : 09:24 - 07/12/19 |
el ida

Një 32-vjeçar i shpallur në kërkim ndërkombëtar dhe i dënuar për vrasje është ekstraduar nga Italia në Shqipëri.

I riu me iniciale E. A., lindur në Memaliaj dyshohet se është autori i vrasjes së ndodhur në lagjen “Pavarësia” në Vlorë, ku viktimë mbeti Vasil Dervishaj.

Njoftimi i plotë:

Interpol Tirana

Vijon bashkëpunimi i Interpol Tirana me homologët për kapjen e personave të shpallur në kërkim ndërkombëtar për vepra të rënda penale.

Kapet në Itali dhe ekstradohet drejt Shqipërisë një shtetas i dyshuar për vrasje.

Nga Z.Q.K Interpol Tirana u krye ekstradimi nga Milano, Itali, i shtetasit shqiptar E. A. alias A. M., 32 vjeç, lindur në Memaliaj.

Ky shtetas ishte shpallur në kërkim ndërkombëtar nga Z.Q.K Interpol Tirana, pasi Gjykata e Rrethit Gjyqësor Vlorë, ka caktuar masën e sigurisë “Arrest në burg”, për veprat penale “Vrasja me paramendim” dhe “Mbajtja pa leje e armëve luftarake dhe municioneve”.

Përmbledhje e ngjarjes së ndodhur: Shtetasi E. A. dyshohet se është autori i ngjarjes së ndodhur në lagjen “Pavarësia”, Vlorë, ku është vrarë me armë zjarri shtetasi V. D.

Si rezultat i bashkëpunimit të Interpol Tirana me Interpol Roma, u bë i mundur arrestimi i tij në Itali, duke u finalizuar me ekstradimin drejt vendit tonë.

 

 

 

Pas