Aktualitet

Në kërkim ndërkombëtar, arrestohet 32-vjeçari në portin e Durrësit


Bëhu pjesë e Grupit Zyrtar të Opinion.al
>> KËTU <<
               Publikuar në : 10:53 - 21/08/21 |
Opi Nion

Policia Kufitare ka arrestuar në portin e Durrësit një person shpallur në kërkim ndërkombëtar. Ai është shtetasi Mevait Osmani, banues në Maqedoninë e Veriut, i dënuar për veprën penale “Organizim i paligjshëm i emigracionit”.

Njoftimi i Policisë

Një tjetër person në kërkim ndërkombëtar bie në prangat e Policisë.

Arrestohet me qëllim ekstradimi drejt Maqedonisë, një 32-vjeçar, i dënuar për veprën penale “Organizim i paligjshëm i emigracionit”.

Në dalje të Pikës së Kalimit Kufitar në Port, Durrës, shërbimet e Policisë Kufitare si rezultat i masave të shtuara dhe shkëmbimit të informacionit me Interpol Tirana dhe DVP Durrës, kanë ndaluar shtetasin e shpallur në kërkim ndërkombëtar:

Mevait Osmani, 32 vjeç, banues në Maqedoninë e Veriut.

Gjatë përpunimit dhe verifikimit të të dhënave në sistem, ky shtetas ka rezultuar person në kërkim ndërkombëtar, pasi Gjykata Kundër Krimit të Organizuar dhe Korrupsionit në Maqedoninë e Veriut, e ka dënuar me 4 vjet burgim, për veprën penale “Organizim i paligjshëm i emigracionit”.

Në përfundim të veprimeve, specialistët për Hetimin e Trafikut të Paligjshëm në DVP Durrës, bënë arrestimin provizor të këtij shtetasi, me qëllim ekstradimin e tij drejt Maqedonisë së Veriut./Opinion.al

 

Pas