Komisioni Qendror i Zgjedhjeve ka publikuar projektvendimin me numrin e mandateve për çdo zonë zgjedhore të zgjedhjeve të datës 25 Prill 2021.
Sipas listës së bërë publike, qarku i Dibrës dhe Gjirokastrës do të humbasin nga 1 deputet, krahasuar me numrin e deputetëve që dolën nga zgjedhjet e vitit 2017.
Në këtë projektvendim të KQZ-së, të dy këto mandate bien për shkak të lëvizjes së popullsisë.
Referuar trendit të votave sipas rezultateve të 2017-ës, mandati i djegur në Dibër i ikën Partisë Demokratike, ndërsa ai në Gjirokastër i rrëzohet Partisë Socialiste.
Ndërkohë dy deputetë i shtohen Tiranës, që do të ketë 36 përfaqësues në parlamentin e ri.
Ndarja e mandateve
Qarku Berat – 7 (shtatë) mandate
Qarku Dibër– 5 (pesë) mandate
Qarku Durrës – 14 (katërmbëdhjetë) mandate
Qarku Elbasan – 14 (katërmbëdhjetë) mandate
Qarku Fier – 16 (gjashtëmbëdhjetë) mandate
Qarku Gjirokastër – 4 (katër) mandate
Qarku Korçë – 11 (njëmbëdhjetë) mandate
Qarku Kukës – 3 (tre) mandate
Qarku Lezhë – 7 (shtatë) mandate
Qarku Shkodër – 11 (njëmbëdhjetë) mandate
Qarku Tiranë – 36 (tridhjetegjashtë) mandate
Qarku Vlorë – 12 (dymbëdhjetë) mandate
KQZ bën me dije se kundër këtij vendimi mund të bëhet ankim në Kolegjin Zgjedhor të Gjykatës së Apelit Tiranë, brenda 5 ditëve nga shpallja e tij./Opinion.al
