-Shëndeti

Ndjeni lodhje të vazhdueshme? Këto mund të jenë disa nga arsyet


               Publikuar në : 17:16 - 25/04/19 |
xhu lia

Lodhja e vazhdueshme që mund të ndjeni shoqërohet shpesh me gjumë të tepërt. Shumicën e rasteve gjumi i tepërt ka ndikim negativ në përditshmëri dhe në shëndet.

Nëse diçka e tillë nis të bëhet shumë e shpeshtë për ju, atëherë  duhet të kuptoni se çfarë e shkakton këtë lodhje. Disa arsye  janë të publikuar nga faqja e njohur “Bright Side”.

1-Anemia

Një nga shkaqet e lodhjes mund të jetë mungesa e hekurit në gjak, e cila çpn në anemi. Ajo shoqërohet me lodhje dhe dobësi gjatë gjithë kohës.

2-Diabeti

Diabeti shkaktohet kur insulina e prodhuar në trupin tuaj nuk është në sasinë e duhur. Më pas kjo sjell rritjen e sasisë së sheqerit në gjak.

3-Hipertiroidet

Një tjetër shkak që ndikon dhe çon në lodhje është padyshim  kur tiroidet  nuk prodhojnë sasinë e duhur të hormoneve. Këto hormone janë përgjegjëse për energjinë dhe funksionin e trupit.

4-Sëmundja e Alzaimer

Për shkak të gjumit të tepërt mund të shkaktohen disa akumulime beta-amiloide. Këto lloj akumulimesh  janë edhe shenjat e para të sëmundjes së Alzaimer.

5-Sëmundja e këmbëve

Kjo lloj sëmundje ka të bëjë pikërisht me lëvizjen e pakontrolluar të këmbëve gjatë gjumit. Diçka e tillë shkakton prishjen e regjimit të gjumit, duke sjellë më pas dobësi trupore.

6-Apnea e gjumit

Apnea e gjumit ka të bëjë me bllokimin e rrugëve të frymëmarrjes ndërkohë që ju flini, duke ju prishur gjumin dhe duke sjellë më pas lodhje.

7-Sindroma e lodhjes kronike

Nëse ju e ndjeni trupit tuaj të lodhur për rreth 3 ose 4 muaj, atëherë ka gjasa që ju të vuani nga sindroma e lodhjes kronike. Ajo mund të shkaktohet kur ju keni përjetuar ndonjë eksperiencë traumatike. /Opinion.al/

Pas