Eksponentë të politikës, në mazhorancë dhe opozitë kanë përcjellë mesazhe për humbjen e ish-presidentit Bujar Nishani.
Pas presidentit Meta dhe kryetarit të PD Berisha, edhe Kryetarja e Kuvendit Lindita Nikolla shprehet e dëshpëëruar për humbjen e parakohshme të ish-presidentit.
“ Me dëshpërim mora lajmin e hidhur për ndarjen e parakohshme nga jeta të ish Presidentit të Republikës, Bujar Nishani. Si President, deputet dhe në detyra të tjera të larta shtetërore, Bujar Nishani i shërbeu vendit me përkushtim dhe për shërbimin e tij do të kujtohet e respektohet nga qytetarët. Ngushëllime familjes për humbjen e njeriut të tyre të dashur!
U prehsh ne paqe President Nishani!”, shkruan në mesazhin e ngushëllimit Kryetarja e Kuvendit, znj. Lindita Nikolla./Opinion.al
