Bota

Ndalimi i vizave për rusët, Moska kërcënon BE-në: Kjo është e paprecedentë, do të…



Bëhu pjesë e Grupit Zyrtar të Opinion.al
>> KËTU <<
               Publikuar në : 16:38 - 04/09/22 |
Opi Nion

Zëdhënësi i Kremlinit, Dmitry Peskov, pas vendimit të Bashkimit Europian për ndalimin e vizave për qytetarët rusë, gjatë një interviste deklaroi se ky është një vendim i paprecedentë dhe se do ketë reagime serioze nga ana e Rusisë.

“Përgjigja e Rusisë ndaj kufizimeve të vizave të BE-së mund të jetë asimetrike dhe simetrike. Kjo është e paprecedentë, sigurisht që do të kërkojë hapa seriozë reagimi nga ana jonë. Por ky, për fat të keq, është realiteti në të cilin jetojmë dhe duhet të jemi të vendosur, të guximshëm dhe të vazhdojmë në rrugën që kemi marrë”, tha Peskov.

Ndërkohë, ministri i Jashtëm hungarez Peter Szijjarto tha më herët të mërkurën se BE vendosi me shumicë votash të përfundojë marrëveshjen për lehtësimin e vizave me Rusinë. Në të njëjtën kohë, nuk do të ketë asnjë ndalim të përgjithshëm të Shengenit për rusët, megjithatë, marrja e tij do të bëhet më e vështirë dhe e gjatë. Kreu i diplomacisë evropiane, Josep Borrell, theksoi se dhënia e vizave do të vazhdojë në baza individuale për çdo rast specifik dhe në veçanti për grupe të veçanta njerëzish.Sa i përket lejeve të hyrjes afatgjata të marra tashmë nga rusët, Komisioni Evropian do ta shqyrtojë këtë çështje dhe do t’u bëjë rekomandime vendeve të Bashkimit për veprime të mëtejshme./Opinion.al

Pas