NATO ka rikonfirmuar angazhimin për misionin në Afganistan si dhe prania e forcave atje do të mbetet “e qëndrueshme”.
Diçka e tillë u tha në Bruksel në fund të një takimi dy ditor të ministrave të Mbrojtjes së NATO-s.
Dita e dytë u përqendrua kryesisht në misionin e 16,000 trupave të NATO-s në Afganistan, vendin i cili po përballet me një kryengritje të intensifikuar të talibanëve dhe me pasiguritë rreth strategjisë amerikane.
Në fillim të shtatorit, i dërguari i Shteteve të Bashkuara për Afganistanin, Zalmay Khalilzad, ka arritur një marrëveshje paraprake me talibanët për t’i dhënë fund luftës 18-vjeçare në Afganistan, por presidenti amerikan Donald Trump, e ka deklarur procesin e paqes “të vdekur”.
Sekretari i përgjithshëm i NATO-s, Jens Stoltenberg rikonfirmoi qëndrimin e pandryshuar për Afganistanin, duke thënë se “NATO mbetet e angazhuar dhe ne do të vazhdojmë t’i mbështesim forcat afgane”.
