Rajoni

Nancy Pelosi – Kadri Veselit: Kosova do përkrahet gjithmonë nga SHBA


               Publikuar në : 19:32 - 17/07/19 |
Al Do

Kryetarja e Dhomës së Përfaqësuesve në Kongresin e SHBA, Nancy Pelosi, ka zhvilluar një takim në Washington me kryetarin e Parlamentit të Kosovës, Kadri Veseli.

Në komunikatën e lëshuar nga zyra e kryeparlamentarit thuhet se zonja Pelosi “u zotua se do të jetë gjithmonë në përkrahje të Kosovës” dhe se “Kosova mund të llogarisë ndihmën e saj dhe të Kongresit Amerikan”.

“Amerika do të jetë përkrah Kosovës dhe do t’ju mbështesë gjithmonë”, tha Pelosi.

Veseli i ka kërkuar në këtë takim homologes së tij që SHBA të përfshihet në mënyrë më të drejtpërdrejtë në procëset që po kalon Kosova dhe rajoni.

“Gjatë këtij takimi, Veseli po ashtu ka kërkuar nga zonja Pelosi përkrahje të Kongresit dhe institucioneve të SHBA-së për ushtrinë e Kosovës, si dhe për iniciativën për dënimin e gjenocidit serb dhe të krimeve dhe dhunimeve gjatë luftës në Kosovë”, thuhet në komunikatë.

Në fund të takimit Veseli e ftoi zonjën Pelosi për të vizituar Kosovën. /Opinion.al

Pas