Kryesore

Naftëtarët/Kryemadhi: Pagat janë 7 mln euro, shteti fiton nga nafta 90 mln


Bëhu pjesë e Grupit Zyrtar të Opinion.al
>> KËTU <<
               Publikuar në : 11:13 - 27/10/20 |
Al Do

Kryetarja e Lëvizjes Socialiste për Integrim, Monika Kryemadhi u ndal sot edhe tek problemi i naftëtarëve në Ballsh, të cilët janë në një grevë urie për pagat e prapambetura.

Gjatë një konference për mediat, Kryemadhi tha se përgjegjësia e shtetit për rafinerinë është e drejtpërdrejtë. Për këtë ajo njoftoi se LSI i është drejtuar SPAK dhe theksoi se shteti mund t’i paguajë pagat naftëtarëve dhe të rinisë punën në uzinë vetëm me të ardhurat që vijnë nga nafta.

Sipas saj, qeverisë i duhen vetëm 7 milion euro për pagat e naftëtarëve, kurse nga përqindja e çmimit të naftës në Shqipëri fut në xhep 90 milion euro.

“Ato kanë bërë thirrje që do u bashkëngjiten dhe fëmijët. Ne si LSI i jemi drejtuar SPAK për të hetuar aferën korruptive por dhe KLSH-së. Jo vetëm të hetojnë por edhe të vendosin para përgjegjësisë ku është një proces gjyqësor ku shteti është me firmën fantazmë apo guackë. Që ka dalë si metodë për të përfituar nga paratë e shtetit.

Më e rëndësishmja është se përgjegjësia e shtetit shqiptar për rafinerinë është e drejtpërdrejtë. Është shumë e thjeshtë. Vetëm me të ardhurat që vijnë nga nafta është mundësia për të paguar pagat e naftëtarëve, por edhe për të krijuar mundësinë e rifillimit të punës në uzinë. Që këta njerëz jo vetëm të marrin pagat por edhe vazhdimësinë.

Ne do e ndjekim hap pas hapi, jo vetëm në kuadër politik por edhe administrativ. Dosja është shumë e madhe që nga privatizimi deri tek naftëtarëtë në grevë. Kujtojmë vitin 2000 kur uzina u shkëput nga Albpetrol, me 2 mijë punëtorë me pagat nga më të mirat në Shqipëri.

Kishte prodhime cilësore naftë dhe nënprodukte. Po rikujtoj, Maqedonia që nuk prodhon nfatë, ka vetëm 40 fuçi në ditë, simbolike, ne prodhojmë 23 mijë në ditë dhe në bursë çmimi i naftës në Shqipëri është 1 mijë e 600 lekë, në Maqedoni 900 lekë. 700 lekë u merren shqiptarëve. 700 lekëshi është për importin. Nafta vendase s’duhet tatuar. Janë 90 milionë euro që shteti shqiptar i fut në xhep prej përqindjes së naftës. S’po merrem me cilësinë. Ato pagat e naftëtarëve janë vetë 7 milionë euro”, deklaroi ajo. /Opinion.al

Pas