Deputeti Myslym Murrizi deklaroi sot në parlament se ligji për përjashtimin e jahteve nga TVSH-ja është një ligj luksi. Ai iu drejtua qeverisë duke cituar disa prej premtimeve të fushatës së tyre elektorale duke thënë se ai do të votonte ligjin e propozuar nëse ata do të kishin përmbushur më parë premtimet e tyre.
“Do ta votoja këtë ligj me të dyja duart nëse do të kishit sjellë në këtë parlament një ligj për të hequr 370 litrin e akcizës së naftës bujqësisë, e ka premtu zëvendës kryeministri në divjakë ne 2013. Te kishit heq 270 litrin ekstra taksë qarkullimi që ja vendosët sa erdhët në pushtet për shqiptarët dhe sidomos për fermerët. Do të votoja sikur të hiqnit tvsh e ushqimeve bazë, po citoj 1000 premtimet tuaja në mitingjet e 1 milion shuplakave te aleances së gjirit te lalzit të 1 prillit. Do të votoja po te hiqnit akcizen e energjisë elektrike për 300 mijë familje në nevojë pse jo edhe për pensionistët. Do të votoja po të sillnit ligj në këtë kohë kolere në interes të shqiptarëve të kyçur në shtëpi prej 12 marsit në mëshirë të fatit. Ky ligj nuk është masivish, është ekstra i djathtë, ju keni kohë që partinë e quani të majtë por keni bërë ligj vetëm për ata, që ju dhe sivëllezërit tuaj, jeni një”, deklaroi Murrizi.
Më pas ai i sfidoi deputetët e mazhorancës të dalin dhe të kërkojnë votat e qytetarëve. Ai iu drejtua ministers Spiropali duke thënë se nuk është turp të vish në parlament nga vota e qytetarëve shqiptarë.
“Ju bëni ligje, ju jeni ata që herë uleni në Pallat Kongresi, herë te zyra e Enver Hoxhës hani pica e firmosni marrëveshje të pista në kurriz të shqiptarëve. Ju keni të njejtin shprit, të njejtën fytyrë të zezë para shqiptarëve. Keni ardhur vonë ju në këtë sallë (Spiropalit) pyesni Majkon, Ruçin, Angjelin, Braçen. Nuk është turp të vish në sallën e parlamentit nga vota e qytetarëve. Çfarë sikleti keni t’ju a shohin shqiptarët surratin edhe në fushatë edhe pas fushate? Çfarë sikleti keni që i trembeni si djalli temjanit votës së qytetarëve? Këtej dërdëllisni se ne vegjetojmë. Ju jeni bërë dy grushta vemjesh që rrini nën këmbët e Sulltanit të Surrelit. Jeni 20 endacakë, enukë dhe vemje. Ju votoheni? Hajde mo të shkojmë dhe ishalla na fëlliq vota e shqiptarëve mua, Ralfin, Rudinën, Koraib. Pse i ndërroni qarqet si mbreti gratë juve, 4 vjet në Tiranë, 4 të tjera shkoni në Fier?
Dushkun ta ka bërë ky gardiani i kushtetutës se donit të bënit Nanon President dhe gardiani kryeministër, nuk ia doli dhe krijoi LSI.
Ky vend dhe kjo sallë u mbush me kontigjent krimi me pazarin e pistë të 1 prillit. Për herë të parë hynë në këtë sallë trafikanët dhe llumi. Bëtë ligj për tu pastruar nga llumi pastaj, turp. Nëse doni të quhet salla e të zgjedhurve hajde të zbatojmë reformen zgjedhore. Kush nga ju është përfaqësues i qytetarëve këtu? Kujt prej jush ia kanë parë qytetarët fytyrat? Cfarë kërkon ai sivllau juaj? Ai kërkon të qeverisë dy vite, po bashkë qeverisni ju”, tha Murrizi. /Opinion.al
