Ministrja e Bujqësisë dhe Zhvillimit Rural, Frida Krifca, ka reaguar lidhur me situatën e krijuar nga reshjet e shiut në vendin tonë.
Në një postim në rrjetet sociale, ajo ka bërë me dije se Drejtoritë e Ujitjes dhe të Kullimit janë me vëmendje të veçantë dhe në ndjekje të kësaj situate të shkaktuar nga prurjet e larta dhe vijimi i reshjeve të shiut në disa zona të vendit.
Krifca njofton se strukturat janë në gadishmëri të plotë.
“Të gjithë hidrovoret janë në gatishmëri të plotë dhe nivelet e ujit në këto hidrovore janë në kuota pothuajse normale për momentin. Strukturat janë në gatishmëri të plotë.”, shprehet Krifca në reagimin e saj./Opinion.al
