Aktualitet

Moti i keq, ARRSH njoftim për gjendjen e rrugëve: Ja akset problematike


               Publikuar në : 09:34 - 12/02/19 |
el ida

Autoriteti Rrugor Shqiptar ka dhënë informacion për gjendjen në akset rrugore të vendit pas rikthimit të reshjeve të shiut dhe të borës.

Si pasojë e motit të keq që ka përfshirë vendin që prej pasdites së djeshme, në disa akse rrugore ka vështirësi me qarkullimin. Më problematike situata paraqitet në pjesën veriore të vendit. Për këtë arsye ARRSH bën të ditur se automjetet duhet të lëvizin me zinxhirë. Ndërkaq, në akset e tjera të vendit qarkullohet normalisht.

ARRSH njoftoi gjithashtu se të gjithë kontraktorët po punojnë për pastrimin dhe shpërndarjen e kripës në segmentet ku ka prezencë bore.

Njoftimi i plotë i ARRSH:

Gjatë natës ka pasur reshje shiu dhe bore 🌨. Të gjithë kontraktorët janë në gatishmëri dhe po punojnë për pastrimin dhe shpërndarjen e kripës në segmentet ku ka prezencë bore. 🚜

👉Në Rajonin Jugor Gjirokastër: Në Qarkun e Korçës ka pasur reshje shiu dhe në lartësitë mbi 1300 m, ka pasur reshje bore.
Të gjitha akset e këtij Rajoni qarkullohen normalisht.

👉Në Rajonin Qendror Tiranë: Ka pasur reshje shiu. Në akset e Dajtit ka pasur reshje të dobëta bore. Deri tani nuk ka probleme për qarkullimin.
Në Librazhd-Steblevë, ka pasur rreth 20 cm bore. Po punohet nga kontraktori për pastrim dhe shpërndarjen e kripës.
Të gjitha akset e këtij Rajoni qarkullohen normalisht.

👉Në Rajonin Verior Shkodër: Gjatë natës ka pasur reshje shiu dhe bore. Trashësia e borës shkon nga 10-40 cm. Kontraktorët po vazhdojnë punën për pastrimin e akseve dhe shpërndarjen e kripës.

🛣Qarkullohet me zinxhir në rrugët:
Ura e Cerenecit – Stebleve, 25 km e fundit, ka pasur rreth 20 cm bore.
Trebisht – Dogane, ka pasur rreth 5-10 cm bore.
Qafë Bualli-Krastë, ka rreth 20 cm bore.
Kuben-Vasie, ka rreth 40 cm bore.
Të gjitha akset e tjera qarkullohen pa probleme.

⚠️Rekomandohen përdoruesit e rrugës, të bëjnë kujdes në lëvizje dhe të respektojnë sinjalistikën rrugore, të reduktojnë shpejtësinë për shkak të lagështisë në rrugë./E.M

Pas