Urban Outfitters, një markë e njohur amerikane kryesisht për veshje të rinjsh, ka nxjerrë në treg një bluzë me dizenjo të njëjtë me logon e Partisë Socialiste Shqiptare.
Në fakt, ne e identifikojmë me partinë tonë, por kjo është logoja origjinale e Partisë Socialiste Spanjolle (PSOE), logoja e të cilës është themeluar në vitin 1977. Përpos Spanjës dhe vendit tonë, një tjetër vend i cili identifikohet me logon e kësaj bluze është Franca.
Kjo këmishë kushton rreth 39 euro dhe thuhet se klientët e saj të synuar janë të rinjtë “hipster”. Reagimet e njerëzve për përdorimin e këtij simboli kanë qenë pafund duke bërë që marka të tërhiqte nga shitja një pjesë të mirë të tyre.
Thuhet se kjo nuk i ka pëlqyer aspak përkrahësve të Partisë Socialiste në Spanjë, të cilët e kanë quajtur si një lajm jo të këndshëm për imazhin e partisë dhe nuk mendojnë ta lënë me kaq këtë histori. Mendohet se vetë Partia Socialiste e Spanjës do të marrë masa juridike kundrejt markës që ka përdorur logon e tyre. Logoja e cila duket krejtësisht identike me atë të Partisë Socialiste, ngjason dhe me logon e Partisë së Francës, edhe pse kjo e fundit ka pësuar disa ndyshime të vogla./anabel.al
