Mjeku okulist, Pajtim Lutaj, e konsideron alarment faktin që administrata e spitalit francez tek QSUT-ja nuk respekton rregullat sanitare.
Përmes një postimi në rrjete sociale ai denoncon faktin që dhe pse ka staf të infektuar, administrata nuk ka vendosur xham mbrojtës tek recepsioni, nuk ka siguruar lëvizje në sens unik apo të vendosë shenja të distancimit fizik në tokë.
Ai shton më tej se drejtori nuk reagon pavarsisht kërkesave të profesionistëve madje ka nisur gjueti shtrigash për mjekët që kanë kërkur realizimin e tyre, ndërsa administratorja mjaftohet me faktin se ka dërguar kërkesa në drejtori.
Në fund mjeku shtron pyetjen se kush duhet ti kontrollojë personat përgjegjës të kësaj situate.
Postimi i plotë:
CoViD-19. Rritja e rasteve te infektuara eshte alarmante dhe kerkone pergjegjshmeri individuale, sociale por edhe shteterore. Respektoni rregullat sanitare, protokollet e mbrojtjes jane shume te sakta. Zbatimi i tyre eshte detyrim per te mbrojtur veten por edhe tjetrin. Vetem administrata e qsut nuk ka kuptuar akoma rendesine e sigurimit te masave sanitare ne spitale. Ne spitalin francez edhe pas infektimit te mjekeve dhe infermieret administrata e qsut nuk ka vendosur peçiglas mbrojtes te recepsioni, nuk ka vendosur shenja te distancimit fivzik ne tokë, nuk ka siguruar levizje ne sens unik…. distancimi fizik ne sallen e pritjes eshte realizuar nga mjeket. Drejtori i qsut nuk reagon edhe pse profesionistet i kane kerkuar ne menyre te perseritur vendosjen e ketyre masave. Administratorja e spitalit francez mjaftohet duke thene se kemi derguar disa kerkesa ne drejtori, ndersa drejtoria me arrogance mjaftohet me thenjet se kemi derguar me shkrese protokollet qe duhet te zbatohen nga personeli, dhe akoma me keq, kohet e fundit ka filluar te beje gjueti shtrigash per mjeket qe kane kerkuar realizimin e ketyre masave. Ne cilesine e profesorit qe punoje ne Spitalin francez dhe ne emer te personelit shtroj pyetjen, kush duhet ti kontrolloje, ti edukoje, ti detyroje por edhe ti penalizoje personat pergjegjes te kesaj situate?
